বিগ ব্যাং
বিগব্যাং তত্ত্ব এহান মহাবিশ্বর উৎপত্তি সম্পর্কে বৈজ্ঞানিক তত্ত্ব আহান। তত্ত্ব এহানর বৈশিষ্ট্যহান অইলতা ধারাবাহিক কোন প্রক্রিয়াৎ নাগিয়া ইমে মিকুপ আহানাৎ বিশ্বজগৎ এহান সৃষ্টি অসেহান। তত্ত্ব এহানে মাতেরতা আজিত্ত প্রায় ১৩.৭ বিলিয়ন বসর আগে মহাবিশ্ব এহান নিয়ামপারা ঘনপা বারো তপ্তা অবস্থা আহানাত্ত হঙসিলহান।
বিজ্ঞানী এডুইন হাবল গিরকে পয়লা মাতেসিলতা, দূরেইর ছায়াপথ উতার গতিপথ পর্যালোচনা করলে দেহিয়ারতা ঔতা আগই আগরাতো থেয়য়া যারগা, অর্থাৎ মহাবিশ্ব এহান তাপ্প তাপ্প ডাঙর বা প্রসারমান অয়া আহেরহান। সাধারণ আপেক্ষিকতা তত্ত্ব ফ্রিদমান-ল্যমেত্র্-রবার্টসন-ওয়াকার মেট্রিক'লো ঔহান ব্যাখ্যা করেসি। এরে তত্ত্বউতার পাংলাকলো আগেকার য়ারিউতা বিশ্লেষন করলে দেহিয়ারতা, পুরা মহাবিশ্ব উহানই সুপ্রাচীন বিন্দু অবস্থা আহানাত্ত উৎপত্তি অসেহান। ঔ অবস্থা অহানাত হাবি পদার্থ বারো শক্তি নিয়াম তপ্তা বারো ঘনিয়া আসিল। বিগব্যাং বা 'মহা বিস্ফোরণ' ওয়াহি এগোলো বুঝারতা ঔরে প্রাচীনতম বিন্দু ঔগোর নিয়াম শক্তিশালী বিস্ফোরণ আহানাত্ত মহাবিশ্বর উৎপত্তি বারো বিকাশ অসেহান। এহানাত্ত মহাবিশ্বর প্রাচীনতম বস্তুউতার গঠনপ্রক্রিয়ার বারে হারপানি য়াকরের। বিগব্যাং থিওরির আরাক ফলাফল আহান অইলকা, এবাকার মহাবিশ্বর অবস্থা উহান থাইনাকার কালর বারো ভবিষ্যতর অবস্থা উতাত্ত একদুম তঙাল।
বিগ ব্যাং কালপঞ্জি
Comments
Post a Comment